Function Parameters at Return Statements

Kung nahihirapan kayong maintindihan kung paano gumagana ang function parameters, kailangan nating balikan ang Math (kasi sa mga kakilala ko mas pamilyar kayo rito so ito ginamit kong example).

Actually nakuha ang term na “function” sa Math; function as in algebraic function etc. So kung gagamitin nating example ‘to:

f(x) = x² + 2

So sa example na ‘to, ang f(x) ang function at x ang parameter. At ang expression kasunod ng equal sign ang laman ng function. So kung iko-convert natin ‘to sa JavaScript, ganito ang magiging hitsura niyan:

Ang algebraic function na f(x) kapag na-convert sa 2016 JavaScript: `const f = (x) => ( x ^ 2 ) + 2`

Pero hindi naman ganiyan hitsura ng functions sa ibang mga programming language, so medyo gawin nating ‘traditional’:

JavaScript code: `function f(x) { return (x^2) + 2; }

So by now siguro nage-gets niyo na. Kaya kung sa algebraic function, ganito ang magiging hitsura:

let x = 2:
f(x) = x² + 2f(2) = 2² + 2f(2) = 4 + 2f(2) = 6

…gano’n din ang mangyayari sa functions ng programming. Magpapasa ka ng parameters (which is iyong x), then iyong value no’n masa-substitute sa lahat ng x sa loob ng function, gaya nito:

So dito sa example naman na ‘to, ang ibig sabihin ng return ay ‘sagot’. Mismo. Sagot no’ng equation. Sagot no’ng anumang ginawa sa loob ng function. All clear pa rin? Sige, next naman.

Sa example na iyon kanina, gumamit tayo ng math para maintindihan kung paano gumagana ang function parameters saka iyong return keyword. Pero hindi naman kasi lahat ng function math ang ginagawa. Iyong iba kumo-connect sa network, nagse-save sa database, nagse-save ng file, naglalagay ng button sa screen, etc. Paano applicable sa mga gano’n iyong math? Same principles lang din.

Sa mga ganiyang instances, ang bini-visualize ko lang, iyong mga functions ay parang mas maliit na program sa loob ng program mo. Siyempre para magamit mo iyong program mo, kailangan mo ng input, then kapag tapos na siya, bibigyan ka niya ng output. Same lang din dito. Parameter ang input, iyong return value ang output.

Sa example na ‘to, may function tayo na gagawing red iyong background ng div then ibabalik niya iyong div na iyon. Again, para lang ulit siyang math. Ipapasa natin sa parameter iyong id then, lahat ng id sa loob ng function, masa-substitute ng value na pinasa mo sa function.

So isipin natin na math function ang makeCardRed(); halos same pa rin naman, isipin natin na iyong pangalawang line ay computation or algebraic expression. Kung anuman iyong nakuha doon sa operation na iyon, iyon ang sagot kaya iyon ang ire-return natin.

Pero may mga function din minsan na walang sagot. Iyong mga walang return statements. Kahit wala silang return statements, siguro matatandaan niyo na sabi sa atin dati naglalagay si compiler/interpreter ng automatic na return statement, at either null or undefined ang nire-return nila. Kapag gano’n isipin niyo na lang na division by zero iyong function:

f(x) = x ÷ 0
f(2) //undefined
f(4) //undefined
f(∞) //undefined

Ganiyan din mangyayari sa mga function na walang return statements. undefined ang value nila, although sa ibang language null iyong value kasi walang undefined na keyword, pero same principles lang din iyon.

Conclusion

May dahilan kung bakit marami ang nananakot sa atin before na maraming math sa Computer Science at Information Technology (at marami naman talaga), but that is because isa tayong branch ng engineering (na recently ko lang din napagtanto). And isa ‘tong example ng math; galing talaga sa math ang mga functions ng programming. Wala tayong magagawa diyan. Pero since nag-algebra, trigo, at dalawa ($&%#^$@), dalawang calculus ang marami sa atin, gamitin na rin natin iyong mga iyon sa advantage natin para ‘di masayang mga luha natin. Iyan, happy coding. Iyak habang nakangiti, I mean.

Mula sa Facebook Notes ni Johannes Gregory Antares.